თუ თქვენ არ გაქვთ თესლი, მაშინ გამოიყენეთ კამა. 1 ს.კ. დანაკუწებულ მწვანილს დაასხით 200 მლ. ადუღებული წყალი და დადგით 1 საათით. ამის შემდეგ გადაწურეთ. ეს საშუალებაც უნდა მიიღოთ დღეში 3-ჯერ 80 მლ. ჭამამდე 10-15 წუთით ადრე. უნდა შეინახოთ მაცივარში.

მუცლის ღრუში უსიამოვნო შეგრძნებებისგან გასანთავისუფლებლად გვირილა და პიტნაც დაგეხმარებათ. საკვების მიღების შემდეგ უბრალოდ ჩაღეჭეთ 2-3 პიტნის ფოთოლი. ის მოგიხსნით მუცლის სპაზმებს და გაგიჯანსაღებთ სუნთქვას.

ასევე შეგიძლიათ მოამზადოთ პიტნის ჩაი. 5-7 ცალ პიტნის ფოთოლს დაასხით 200 მლ. ადუღებული წყალი და 5-10 წუთის შემდეგ დაამატეთ 1 ს.კ. თაფლი. ამ სასმელის მიღება უმჯობესია ძილის წინ, რადგან მას დამამშვიდებელი ეფექტიც აქვს.

ჩაის მომზადება გვირილისგანაც შეგიძლიათ. ის დაგეხმარებათ კუჭ-ნაწლავის ტრაქტის მუშაობის მოწესრიგებაში. ეფექტის გასაძლიერებლად მოამზადეთ ის პიტნასთან ერთად. აიღეთ თანაბარი რაოდენობით მშრალი პიტნა და გვირილა. მიღებულ ნაზავს დაასხით 250 მლ. წყალი და მიიყვანეთ ადუღებამდე. ამის შემდეგ გადმოდგით და გააჩერეთ 4 საათით. გადაწურეთ და მიიღეთ დღეში 3-ჯერ საკვების მიღების შემდეგ 2 ს.კ.

თუ სასმელის მიღება არ გინდათ, მაშინ მიიღეთ სელის თესლი. 2 ჩ.კ. შეურიეთ იოგურტში, სალათში, წვნიანში ან ფაფაში და ამ სახით მიიღეთ.

სელის თესლისგან შეგიძლიათ მოამზადოთ ნაყენიც. 1 ს.კ. სელის თესლს დაასხით 500 მლ. მდუღარე წყალი და დადგით 5-6 საათით. გადაწურეთ ნაყენი და მიიღეთ დღეში 2-ჯერ 100 მლ. 3 კვირის განმავლობაში. მუცელი მადლობას გეტყვით.

როგორ განვთავისუფლდეთ მუცლის შებერილობისგან

ამ შემთხვევაში შვენიერ ხალხურ საშუალებად ითვლება ვაშლის ძმარი. 1 ჭიქა თბილ წყალს დაუმატეთ 2 ს.კ. ვაშლის ძმარი. უნდა მიიღოთ დღეში ერთხელ საკვების მიღების შემდეგ. თუ გემო თქვენთვის ზედმეტად მიუღებელია, შეგიძლიათ დაუმატოთ 1 ჩ.კ. თაფლი.

საჭმლის მონელების გასაუმჯობესებლად შეგიძლიათ ნივრის გამოყენება. ოღონდ არა ცოცხალის, არამედ გამომშრალის. გამომშრალი ნივრის პოვნა შეგიძლიათ სუპერმარკეტში, მაგრამ თუ ვერ იპოვეთ აქვე გასწავლით მის დამზადებას:

თხლად დაჭერით ნიორი და დააწყვეთ (გაშალეთ) პერგამენტის ქაღალდზე. გამოაცხვეთ 55 გრადუსზე 40 წუთის განმავლობაში. კუჭ-ნაწლავის სწორი მუშაობისთვის საკმარისი იქნება 2-3 ნაჭერი ნივრის მიღება საკვების მიღების შემდეგ. თქვენ ასევე შეგიძლიათ ნივრის დაფქვა ყავის საფქვავის დახმარებით.

ნივრისგანაც მზადედბა ნაყენი. 4 კბილ ნიორს დაასხით 200 მლ. წყალი და მიიყვანეთ დუღილამდე. 5 წუთის შემდეგ გადმოდგით ცეცხლიდან და დადგით კიდევ 30 წუთით. გადაწურეთ და მიიღეთ დღეში 2-ჯერ 100 მლ.

რჩევა რედაქციისგან:

ხალხური საშუალებები იმდენად ბევრია, რომ თქვენ აუცილებლად აარჩევთ თქვენთვის სასურველს. თუმცა არ დაივიწყოთ გარკვეული უკუჩვენებებიც. ამიტომ გირჩევთ ექიმთან კონსულტაციის გავლას.

აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.

ჯანმრთელობას გისურვებთ!